مشاهدة النسخة كاملة : نفسى ادخل الجنة


&أبودجانة&
05-09-2010, 02:09 AM
اولا الفكرة اللى هاقولها دلوقتى للجادين فقط


الفكرة دى مقتبسة من جروب على الفيس بوك اسمه "نفسى ادخل الجنة"
وقلت اجيبها هنا للمنتدى عشان يعم النفع



الفكرة بتقول اننا كل يوم هنتفق على عمل صالح نعمله مع بعض "بس ده طبعا للى هيوافق انه يشترك بجد
وسبق انى قلت ان الموضوع ده للجادين"
ممكن الفكرة تكون مستهلكة لكن مع التعديل وجعلها اكثر تحديد
يزود التفاعل والاجر للمشتركين ان شاء الله



اولا كل يوم مشترك مختلف هايقترح العمل اللى المفروض هانقوم بيه "طبعا لازم تكون الاعمال فى الاول خفيفة وتزداد تدريجيا وتكون فى متناول الجميع"

ثانيا طيب فرضا انت ما عملتش الواجب اليومى ايه اللى هايحصل
المشترك اللى هايقترح الواجب العملى اليومى "البسيط" هايقترح معاه حاجة زى العقاب "هو طبعا مش عقاب " بس الاسم مجازى هنا
والعقاب من جنس العمل يعنى مثلا يصلى على النبى 100 مرة

طيب لو برده ما عملتش العقاب

يبقى انت مش جاد وتخرج بره دايرة "وفى ذلك فليتنافس المتنافسون"

ثالثا: الاجر اللى ممكن نحصل عليه ان شاء الله لو تقبل العمل هايكون عظيم ومش هاتتخيلوه

النوايا المقترحه لهذا العمل: "وتعاونوا على البر والتقوى"
"وفى ذلك فليتنافس المتنافسون"


وأحب اقول ان حضراتكم لو عجبكم الموضوع كل واحد يدخل يقول عمل او ذكر نعملة فى يوم معين

يعنى مثلا يوم السبت ممكن نصلى على النبى 100 مرة

ويوم الاحد ممكن نسبح 100 مرة

وهكذا فى كل ايام الاسبوع بس بشرط يكون كل يوم ذكر او عمل مختلف

وايا كان العمل دة حتى لو كان بسيط او ابتسامة فى وجة اخيك

وباذن الله يكون الاجر كبير من عند الله